جنوری 2026 میں پیٹرولیم مصنوعات کی فروخت میں 10 فیصد سالانہ اضافہ، او سی اے سی

کراچی: آئل کمپنیز ایڈوائزری کونسل (او سی اے سی) کے مطابق جنوری 2026ء میں پیٹرولیم مصنوعات کی فروخت میں سالانہ 10 فیصد اور ماہانہ 12 فیصد اضافہ ریکارڈ کیا گیا۔ اس دوران پیٹرولیم مصنوعات کی فروخت 15 لاکھ ٹن رہی۔

مالی سال 2026ء کے پہلے 7 ماہ (جولائی تا جنوری) میں پیٹرولیم مصنوعات کی فروخت سالانہ 3 فیصد بڑھ کر 97 لاکھ ٹن ہو گئی۔

ایکس-فرنس آئل کی فروخت میں بھی اضافہ دیکھنے میں آیا، جنوری میں اس کی فروخت 14 لاکھ ٹن ریکارڈ ہوئی، جو سالانہ 7 فیصد اور ماہانہ 9 فیصد زیادہ ہے۔ جولائی تا جنوری ایکس-فرنس آئل کی فروخت سالانہ 5 فیصد بڑھ کر 94 لاکھ ٹن ہو گئی۔