پٹرول پر مقررہ ہدف سے زیادہ لیوی وصول کی جا رہی ہے، قائمہ کمیٹی میں انکشاف
Web Desk
25 May 2026
قومی اسمبلی کی قائمہ کمیٹی کے اجلاس میں انکشاف کیا گیا ہے کہ حکومت پٹرول اور ڈیزل پر عالمی مالیاتی ادارے کی مقررہ حد سے زیادہ لیوی وصول کر رہی ہے۔
کمیٹی کے رکن مرزا اختیار بیگ نے اجلاس کے دوران بتایا کہ عالمی مالیاتی ادارے کی جانب سے پٹرول پر 80 روپے لیوی کا ہدف دیا گیا تھا تاہم حکومت اس وقت 117 روپے تک وصول کر رہی ہے۔
کمیٹی کے رکن جاوید حنیف خان نے کہا کہ پٹرول اور ڈیزل دونوں پر مجموعی طور پر 160 روپے لیوی وصولی کا ہدف مقرر تھا، جسے پورا کرنے کے لیے پٹرول پر زیادہ اور ڈیزل پر نسبتاً کم لیوی عائد کی گئی ہے۔
اجلاس میں حکومت کی نئی موبائل سازی پالیسی پر بھی بریفنگ دی گئی۔ حکام نے بتایا کہ نئی پالیسی کا مقصد ملک سے ڈالر کے اخراج کو کم کرنا ہے۔
تاہم قائمہ کمیٹی کے چیئرمین سید نوید قمر نے کہا کہ موبائل فون کے پرزہ جات کی درآمد کے باعث اب بھی بڑی مقدار میں ڈالر بیرون ملک جا رہے ہیں۔
کمیٹی کو بتایا گیا کہ کاربن لیوی کی مد میں اب تک 37 ارب روپے جمع کیے جا چکے ہیں جن میں سے 9 ارب روپے برقی گاڑیوں کے لیے سبسڈی کی صورت میں فراہم کیے گئے۔
بریفنگ میں یہ بھی بتایا گیا کہ رواں سال اب تک صرف 50 برقی چارجنگ مراکز قائم کیے جا سکے ہیں جبکہ سال بھر کے لیے 240 مراکز کا ہدف مقرر تھا۔
متعلقہ عنوانات
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا
19 November 2026
ڈیفنس میں 11 سالہ گھریلو ملازم پر تشدد، گرم چائے کی پتیلی الٹ دی گئی
19 November 2026
روہنگیا میں مسلمانوں کو قتل عام اور جنسی تشدد کا نشانہ بنایا گیا،عالمی عدالت انصاف
19 November 2026
سٹاک مارکیٹ میں تیزی، کاروبار کا مثبت رجحان رہا
19 November 2026
جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی
19 November 2026
عالمی و مقامی سطح پر سونے چاندی کی قیمتوں میں کمی
19 November 2026
امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور
19 November 2026
جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف
19 November 2026