وفاقی وزیر مواصلات عبدالعلیم خان کا بلوچستان میں حالیہ دہشتگردی پر اظہار افسوس

وفاقی وزیر مواصلات عبدالعلیم خان نے بلوچستان میں حالیہ دہشت گردی کے واقعات پر گہرے دکھ اور افسوس کا اظہار کرتے ہوئے وطنِ عزیز کے دفاع اور شہریوں کے تحفظ کے لیے جانیں قربان کرنے والے جوانوں کو زبردست سلام پیش کیا ہے۔ انہوں نے اپنے ایک بیان میں کہا کہ پاک فوج اور پولیس کے بہادر جوانوں کی قربانیاں کبھی رائیگاں نہیں جائیں گی اور بھارت کی سرپرستی میں کام کرنے والے دہشت گرد عناصر اور ان کے سہولت کار اپنے ناپاک عزائم میں کبھی کامیاب نہیں ہوں گے۔ وفاقی وزیر نے اس عزم کا اعادہ کیا کہ دہشت گردی کے خلاف جنگ کو منطقی انجام تک جاری رکھا جائے گا اور ملک میں امن کو ہر قیمت پر یقینی بنایا جائے گا کیونکہ پوری قوم اپنے محافظوں کے شانہ بشانہ کھڑی ہے۔ عبدالعلیم خان نے شہداء کے درجات کی بلندی اور حملوں میں زخمی ہونے والوں کی جلد صحت یابی کے لیے دعا بھی کی۔