امریکہ کا ایران میں 90 اہداف کو نشانہ بنانے کا دعویٰ، بحرین اور کویت میں سائرن بج گئے

امریکا نے ایران کے خلاف فوجی کارروائیوں کا نیا مرحلہ مکمل کرتے ہوئے مزید 90 فوجی اہداف کو نشانہ بنانے کا دعویٰ کیا ہے، جس کے بعد پورے خطے میں کشیدگی پھیل گئی ہے اور کویت اور بحرین میں بھی خطرے کے سائرن بج رہے ہیں۔ امریکی مرکزی کمان (CENTCOM) کے مطابق ان حملوں کا مقصد ایران کی آبنائے ہرمز میں تجارتی جہاز رانی کو نقصان پہنچانے کی صلاحیت کو کمزور کرنا تھا، جس کے دوران بوشہر، بندر عباس اور ابو موسیٰ جزیرے پر فضائی دفاعی نظام، میزائل و ڈرون ذخیرہ گاہوں اور لاجسٹک انفراسٹرکچر کو نشانہ بنایا گیا۔ امریکی حملوں کے چند گھنٹے بعد کویتی فوج نے الرٹ جاری کرتے ہوئے بتایا کہ ان کا فضائی دفاعی نظام دشمن کے میزائل اور ڈرون حملوں کا سامنا کر رہا ہے۔ دوسری جانب بحرین کی وزارتِ داخلہ نے بھی ملک میں ایمرجنسی سائرن بجاتے ہوئے شہریوں کو فوری طور پر قریبی محفوظ مقامات پر منتقل ہونے کی ہدایت کی ہے۔