شہید آیت اللہ علی خامنہ ای کو آج مشہد میں سپرد خاک کیا جائے گا

امریکی و اسرائیلی حملوں میں شہید ہونے والے ایران کے سابق سپریم لیڈر آیت اللہ علی خامنہ ای کو آج مشہد مقدس میں سپردِ خاک کیا جائے گا۔ اس سے قبل عراق میں ان کا تعزیتی جلوس نکالا گیا، جس کے بعد نجف اشرف میں روضہ حضرت علی رضی اللہ تعالیٰ عنہ پر ان کی نمازِ جنازہ ادا کی گئی، جس کی امامت آیت اللہ سید محمد تقی الحکیم نے کی۔ شہید آیت اللہ خامنہ ای کا جسدِ خاکی ایک تاریخی جلوس کے ذریعے کربلا معلیٰ لایا گیا، جہاں لاکھوں سوگواروں نے جمع ہو کر ان سے گہری عقیدت اور احترام کا اظہار کیا۔ عراق میں الوداعی مراسم کے بعد ان کی میت دوبارہ ایران منتقل کی جا رہی ہے۔ واضح رہے کہ آیت اللہ علی خامنہ ای 28 فروری کو ایران پر ہونے والے امریکی و اسرائیلی حملوں کے نتیجے میں شہید ہوئے تھے۔