ایران پر موجودہ حملے گزشتہ کارروائیوں سے زیادہ وسیع ہیں، امریکی عہدیدار

ایک امریکی عہدیدار نے انکشاف کیا ہے کہ ایران پر جاری حالیہ امریکی حملے گزشتہ روز کیے گئے حملوں کے مقابلے میں دائرہ کار کے لحاظ سے کہیں زیادہ وسیع اور بڑے پیمانے پر ہیں۔ امریکی نیوز ویب سائٹ ‘ایگزیوس’ نے عہدیدار کے حوالے سے بتایا کہ تازہ ترین کارروائی منگل کے روز ہونے والے حملوں سے بہت بڑی ہے۔ امریکی سینٹرل کمانڈ (CENTCOM) کے مطابق، منگل کو کی گئی کارروائی کے دوران ایران میں فضائی دفاعی نظام سمیت 80 سے زائد اہداف کو نشانہ بنایا گیا تھا۔ ان حملوں میں ایرانی کمانڈ اینڈ کنٹرول نیٹ ورک، ساحلی ریڈار تنصیبات، بحری جہاز شکن میزائل صلاحیتوں اور پاسدارانِ انقلاب کی 60 سے زائد چھوٹی کشتیوں کو بھی تباہی کا نشانہ بنایا گیا تھا۔