بھارت کے خلاف میچ کا بائیکاٹ، پی سی بی کا آئی سی سی کے خط کا جواب

پی سی بی نے ٹی ٹوئنٹی ورلڈکپ میں بھارت کے خلاف میچ نہ کھیلنےکےحوالے سے آئی سی سی کے خط کا جواب دے دیا۔

آئی سی سی کے دہرے معیار کے خلاف پاکستان کرکٹ بورڈ کے احتجاجی فیصلے کے بعد آئی سی سی نے پی سی بی کو خط لکھاتھا۔ ذرائع کا کہنا ہےکہ پی سی بی نے آئی سی سی کے رابطہ کرنےکے بعد ہی جواب دیا ہے اوراب  یہ آئی سی سی ہی بتائےگی کہ  پی سی بی نے خط سے متعلق کیا جواب دیا ہے۔

ذرائع کے مطابق  آئی سی سی نے مسئلےکے حل کے لیے دوسرے بورڈز سے بھی  رابطہ کیا ہے۔ واضح رہے کہ پاکستان نے ٹی ٹوئنٹی ورلڈکپ میں شرکت کرنے لیکن بھارت کے خلاف میچ نہ کھیلنےکا اعلان کیا تھا۔ اس فیصلے کی اہم وجہ بنگلادیش کے حوالے سے آئی سی سی کا جانبدارانہ فیصلہ قراردیاجارہاہے۔حکومت پاکستان اس معاملے پر بنگلا دیش کے ساتھ اظہار یکجہتی کرناا چاہتی تھی۔

حکومتی ذرائع کے مطابق جےشاہ نے اپنے جانبدارانہ فیصلوں سے انٹرنیشنل کرکٹ کونسل کو انڈین کرکٹ کونسل بنا دیا۔