پی سی بی اِن ایکشن: لارڈز ٹیسٹ کے بعد 7 قومی کرکٹرز ریلیز، سرفراز احمد اور عمر گل بھی فارغ

پاکستان کرکٹ بورڈ (پی سی بی) نے انگلینڈ کے خلاف لارڈز ٹیسٹ کے بعد قومی ٹیسٹ اسکواڈ میں بڑی تبدیلیاں کرتے ہوئے محمد رضوان، امام الحق، سلمان علی آغا، علی عثمان، عامر جمال، اویس ظفر اور خرم شہزاد سمیت 7 کھلاڑیوں کو اسکواڈ سے ریلیز کر دیا ہے۔ ان کے متبادل کے طور پر صائم ایوب، عبداللہ فضل، عرفات منہاس، عمران جونیئر، سعد بیگ، عمران رندھاوا اور رضا اللہ کو شامل کیا گیا ہے جو 9 ستمبر سے برمنگھم میں شروع ہونے والے ٹیسٹ سے قبل ٹیم کو جوائن کریں گے۔ اس کے علاوہ پی سی بی نے ریڈ بال کوچنگ اسٹاف میں بھی تبدیلی کی ہے، جس کے تحت ہیڈ کوچ سرفراز احمد اور بولنگ کوچ عمر گل کی جگہ مائیک ہیسن اور ایشلے نوفکے کو ذمہ داریاں سونپ دی گئی ہیں۔