پی سی بی نے پریزیڈنٹ ٹرافی گریڈ ون کے شیڈول کو حتمی شکل دے دی

پاکستان کرکٹ بورڈ (پی سی بی) نے پریزیڈنٹ ٹرافی گریڈ ون کے شیڈول کو حتمی شکل دے دی ہے، جس کا باقاعدہ آغاز 24 ستمبر سے ہوگا جبکہ فائنل میچ 5 سے 9 نومبر تک کھیلا جائے گا۔ اس اہم ڈومیسٹک ٹورنامنٹ میں 8 ڈپارٹمنٹل ٹیمیں شرکت کریں گی جن میں اسٹیٹ بینک، واپڈا، کے آر ایل، سوئی ناردرن، غنی گلاس، پی ٹی وی، سحر ایسوسی ایٹس اور ایم آئی ٹی سلوشنز شامل ہیں۔ ٹرافی کے تمام میچز اسلام آباد، پشاور، ایبٹ آباد اور راولپنڈی کے مختلف میدانوں میں کھیلے جائیں گے۔ دوسری جانب، متعلقہ ڈپارٹمنٹس نے پی سی بی کی جانب سے ٹورنامنٹ شروع ہونے سے تقریباً دو سے ڈھائی ماہ قبل ہی شیڈول جاری کرنے کے اقدام کو انتہائی قابلِ ستائش قرار دیا ہے، اور ان کا کہنا ہے کہ وقت سے پہلے شیڈول اور میزبان شہروں کا فیصلہ ہونے سے انہیں اپنا بجٹ منظور کرانے اور ٹورنامنٹ کے لیے بہترین حکمتِ عملی ترتیب دینے میں بڑی آسانی ہوگی۔