برآمدات کے محاذ پر بڑی پیشرفت، پاکستانی کمپنی کو خلیجی ممالک تک رسائی مل گئی

پاکستان کے برآمدی شعبے کے لیے ایک بڑی کامیابی کے طور پر مقامی ٹائر ساز کمپنی کو سعودی عرب اور متحدہ عرب امارات (UAE) سمیت 06 خلیجی ممالک کی مارکیٹ تک رسائی حاصل ہو گئی ہے۔ پاکستانی کمپنی نے اس اہم پیشرفت کے حوالے سے تفصیلی تحریری مراسلہ پاکستان اسٹاک ایکسچینج (PSX) کو ارسال کر دیا ہے۔ خط میں آگاہ کیا گیا ہے کہ کمپنی کو گلف اسٹینڈرڈائزیشن آرگنائزیشن (GSO) کی جانب سے کوالٹی اور معیارات کی باضابطہ منظوری مل گئی ہے۔ اس سرٹیفکیشن کے بعد کمپنی اب بحرین، قطر، سعودی عرب، متحدہ عرب امارات، اور GSO کے دیگر رکن ممالک کو پاکستان میں تیار کردہ ٹائر برآمد کر سکے گی، جس سے ملکی زرمبادلہ کے ذخائر اور برآمدات میں خاطر خواہ اضافہ متوقع ہے