فیصلہ کن ون ڈے کیلئے پاکستان ویمن ٹیم کا ہمبنٹوٹا میں بھرپور ٹریننگ سیشن

سری لنکا کے خلاف تین ایک روزہ بین الاقوامی میچوں کی سیریز کے فائنل اور فیصلہ کن معرکے سے قبل پاکستان ویمن کرکٹ ٹیم نے ہمبنٹوٹا میں بھرپور ٹریننگ سیشن کیا۔ کوچنگ اسٹاف کی زیرِ نگرانی کھلاڑیوں نے نیٹ سیشن میں بیٹنگ اور بولنگ کی سخت پریکٹس کی، جبکہ اس سے قبل فزیکل فٹنس اور فیلڈنگ ڈرلز میں بھی بھرپور حصہ لیا تاکہ اہم مقابلے سے قبل خامیاں دور کی جا سکیں۔ پاکستان اور سری لنکا کے درمیان 3 ون ڈے میچز کی سیریز اس وقت 1-1 سے برابر ہے، اور دونوں ٹیمیں سیریز کی ٹرافی اپنے نام کرنے کے لیے کل حتمی مقابلے میں میدان میں اتریں گی۔