پاکستان نے جاپان جونیئر اوپن سکواش چیمپئن شپ میں 2 گولڈ میڈلز جیت لیے

پاکستان نے 37ویں جاپان جونیئر اوپن سکواش چیمپئن شپ 2026 میں شاندار کارکردگی کا مظاہرہ کرتے ہوئے 2 گولڈ میڈلز اپنے نام کر لیے ہیں۔ چیمپئن شپ میں شریک دونوں پاکستانی کھلاڑی اپنے اپنے درجات میں فاتح رہے، جہاں یحییٰ خان نے انڈر 17 کیٹیگری میں گولڈ میڈل حاصل کیا جبکہ ابوبکر انڈر 11 کیٹیگری کا ٹائٹل جیت کر کامیابی کے ساتھ وطن واپس لوٹے۔ واضح رہے کہ اس سے قبل پشاور سے تعلق رکھنے والی سماعت سے محروم پاکستانی کھلاڑی ثنا بہادر نے بھی آسٹریلیا کے شہر میلبورن میں منعقدہ چیلنجر بینڈیگو اوپن سکواش ٹائٹل جیت کر بین الاقوامی سطح پر ملک کا نام روشن کیا تھا۔