پاکستان اور ویسٹ انڈیز کے درمیان ٹیسٹ سیریز کی ٹرافی کی رونمائی

پاکستان اور ویسٹ انڈیز کے درمیان آئندہ ٹیسٹ سیریز کے لیے ٹرافی کی رونمائی کر دی گئی ہے۔ ٹرینیڈاڈ میں واقع برائن لارا کرکٹ اکیڈمی میں منعقدہ تقریب کے دوران قومی ٹیم کے کپتان بابر اعظم اور ویسٹ انڈیز کے قائد روسٹن چیز نے باضابطہ طور پر ٹرافی کی رونمائی کی اور فوٹو سیشن میں حصہ لیا۔ دونوں ٹیموں کے درمیان سیریز کا پہلا ٹیسٹ میچ 25 جولائی سے شروع ہو رہا ہے، جو اس اسٹیڈیم کی تاریخ میں کھیلا جانے والا پہلا ٹیسٹ میچ ہو گا، جبکہ اس سے قبل اس گراؤنڈ پر صرف محدود اوورز کے بین الاقوامی اور ریجنل فرسٹ کلاس میچز منعقد کیے جا چکے ہیں۔