پاکستان اور ویسٹ انڈیز کے درمیان 4 روزہ پریکٹس میچ بغیر نتیجے کے ختم

پاکستان اور ویسٹ انڈیز کی کرکٹ ٹیموں کے درمیان کھیلا جانے والا چار روزہ پریکٹس میچ بغیر کسی نتیجے کے ختم ہو گیا۔ پاکستان نے اپنی پہلی اننگز میں 455 رنز کا مجموعہ ترتیب دیا، جس میں اذان اویس اور بابر اعظم کے شاندار 100، 100 رنز کی ریٹائرڈ آؤٹ اننگز جبکہ شان مسعود کے 70 اور عبداللہ فضل کے 50 رنز شامل تھے۔ جواب میں ویسٹ انڈیز کی ٹیم اپنی پہلی اننگز میں 279 رنز بنا کر آؤٹ ہو گئی، جس میں پاکستان کے تیز گیند باز محمد علی نے 5 وکٹیں حاصل کیں جبکہ عامر جمال اور علی عثمان نے 2، 2 اور محمد عباس نے ایک وکٹ حاصل کی۔ پاکستان نے اپنی دوسری اننگز میں 219 رنز بنائے۔ یاد رہے کہ میچ کے پہلے دن بارش کے باعث کھیل جلدی ختم کر دیا گیا تھا۔ دونوں ٹیموں کے درمیان پہلا باقاعدہ ٹیسٹ میچ 25 جولائی سے شروع ہو گا۔