ٹاروبا ٹیسٹ: ویسٹ انڈیز کی ٹیم پہلی اننگز میں 311 رنز پر ڈھیر ہوگئی

پاکستان اور ویسٹ انڈیز کے درمیان کھیلے جانے والے پہلے ٹیسٹ میچ کے دوسرے روز ویسٹ انڈیز کی پوری ٹیم اپنی پہلی اننگز میں 311 رنز بنا کر آؤٹ ہو گئی۔ برائن لارا کرکٹ اکیڈمی میں ٹاس جیت کر پہلے بیٹنگ کرنے والی میزبان ٹیم کی جانب سے شائی ہوپ 92 اور کیویم ہوج 84 رنز بنا کر نمایاں بلے باز رہے۔

میچ کے پہلے روز بارش سے متاثرہ کھیل میں ویسٹ انڈیز نے 3 وکٹوں کے نقصان پر 194 رنز بنائے تھے، جس کے بعد دوسرے روز پاکستانی بولرز نے بہترین کم بیک کیا۔ قومی ٹیم کے فاسٹ بولر محمد علی نے شاندار بولنگ کا مظاہرہ کرتے ہوئے 4 کھلاڑیوں کو شکار کیا، جبکہ محمد عباس نے 3، خرم شہزاد نے 2 اور عامر جمال نے ایک وکٹ حاصل کی اور میزبان بیٹنگ لائن کو جلد سمیٹ دیا۔

ویسٹ انڈیز کی اننگز میں شمار جوزف نے 23، جسٹن گریوز نے 15، برینڈن کنگ نے 12 اور روسٹن چیز نے 10 رنز بنائے۔ پاکستان کی عمدہ بولنگ کی بدولت ویسٹ انڈین ٹیم ایک بڑے اسکور کی طرف پیش قدمی کرنے میں ناکام رہی۔