ٹی ٹوئنٹی ورلڈ کپ: پاکستان کا دوسرا گروپ میچ کل امریکا کے خلاف

پاکستان اپنا دوسرا گروپ میچ ٹی ٹوئنٹی ورلڈ کپ میں کل امریکا کے خلاف کھیلے گا۔ میچ پاکستانی وقت کے مطابق شام چھ بج کر پچاس منٹ پر شروع ہوگا۔

گروپ اے میں پاکستان ایک میچ جیت کر دوسرے نمبر پر ہے۔ گرین شرٹس نے اپنے پہلے میچ میں نیدرلینڈز کو دلچسپ مقابلے کے بعد تین وکٹوں سے شکست دی تھی۔

پاکستان کی فتح میں فہیم اشرف نے اہم کردار ادا کیا، جنہوں نے سات وکٹیں گرنے کے بعد دھواں دار بیٹنگ کا مظاہرہ کرتے ہوئے صرف 9 گیندوں پر 3 چھکوں اور 2 چوکوں کی مدد سے 29 رنز کی شاندار اننگز کھیلی اور ٹیم کو ورلڈ کپ میں پہلی فتح دلائی۔

پاکستانی شائقین اب امریکا کے خلاف میچ کے لیے پرجوش ہیں، جس میں گرین شرٹس کی ٹیم مزید کامیابی حاصل کرنے کی کوشش کرے گی۔