ٹی20 ورلڈ کپ: پاکستان کو سیمی فائنل میں پہنچنے کیلئے آج سری لنکا سے بڑی فتح درکار

آئی سی سی ٹی 20 ورلڈ کپ میں پاکستان کرکٹ ٹیم کی بقا اب ایک مشکل ریاضیاتی مساوات پر منحصر ہے۔ سلمان آغا کی قیادت میں گرین شرٹس کو سیمی فائنل تک رسائی کے لیے سری لنکا کو نہ صرف شکست دینا ہوگی بلکہ نیٹ رن ریٹ کے فرق کو مٹانے کے لیے تقریباً 64 رنز سے فتح حاصل کرنی ہوگی یا ہدف 13.1 اوورز میں مکمل کرنا ہوگا۔ پالے کیلے اسٹیڈیم میں ہونے والے اس میچ میں شکست یا معمولی مارجن سے جیت پاکستان کو ٹورنامنٹ سے باہر کر سکتی ہے، جس کے بعد قیادت میں تبدیلی کی بازگشت بھی سنائی دے رہی ہے۔