قومی ٹیم کو نمیبیا کے خلاف لازمی فتح، سپر ایٹ کا راستہ واضح کرنے کی کوشش

قومی ٹیم ٹیم ٹی ٹوئنٹی ورلڈکپ میں سفرجاری رکھنے کےلیے آج نمیبیا کے خلاف لازمی فتح کے لیے سردھڑ کی بازی لگائیں گے۔ٹی ٹوئنٹی ورلڈکپ کے گروپ اے میں پاکستان کرکٹ ٹیم گروپ کا آخری میچ نمیبیا کےخلاف کھیلے گی۔میچ ڈھائی بجے شروع ہوگا۔گروپ اے سے بھارتی ٹیم پہلے ہی سپر ایٹ میں رسائی حاصل کرچکی ہے جبکہ امریکی ٹیم 4 پوائنٹس کے ساتھ پاکستان سے بہتر نیٹ رن ریٹ کے باعث دوسری پوزیشن پر موجود ہے۔پاکستان ٹیم کو سپر ایٹ راؤنڈ میں رسائی کے لیے آج نمیبیا کو لازمی شکست دینی ہوگی بصورت دیگر گھر واپس آنا پڑے گا۔ اگر بارش کے باعث میچ منسوخ ہوجاتا ہے تو اس کا فائدہ بھی پاکستان ٹیم کو ملے گا اور ایک پوائنٹ کے فرق سے پاکستان ٹیم کو سپر ایٹ میں رسائی مل جائے گی۔موسمی پیش گوئی کے مطابق آج کولمبو میں 50 سے 60 فیصد تک بارش متوقع ہے جبکہ موسم ابر آلود ہی رہے گا۔اس کے علاوہ 19 کلومیٹر فی گھنٹہ کی رفتار سے ہوائیں چلنے کا امکان ہے۔پاکستان کو گروپ کے گزشتہ میچ میں بھارت بھارت کے خلاف 61 رنز کی بدترین شکست کا سامنا پڑاتھا۔۔جس کے بعدخراب کارکردگی دکھانے والے سینئرز بابراعظم، شاہین شاہ آفریدی اور شاداب خان کو فائنل الیون سے باہر کئے جانے کا امکان ظاہرکیاگیاتھا۔