بنگلادیش کے خلاف ٹیسٹ میں اذان اویس اور عبداللّٰہ فضل کا ڈیبیو، کیپ مل گئ

ڈھاکا کے شیرِ بنگلا اسٹیڈیم میں کھیلے جا رہے سیریز کے پہلے ٹیسٹ میچ میں پاکستان کی جانب سے 21 سالہ بیٹر اذان اویس اور 23 سالہ عبداللہ فضل نے اپنے ٹیسٹ کیریئر کا آغاز کر دیا ہے۔ اذان اویس کو محمد رضوان نے جبکہ عبداللہ فضل کو کپتان شان مسعود نے ٹیسٹ کیپ دی۔ اذان اویس نے اپنے سفر کے بارے میں بتایا کہ انہوں نے تعلیم کی وجہ سے کرکٹ چھوڑ دی تھی لیکن 16 سال کی عمر میں دوبارہ آغاز کیا۔ دوسری جانب، مایہ ناز بیٹر بابر اعظم گھٹنے کی انجری کے باعث اس اہم میچ میں ٹیم کو دستیاب نہیں ہیں۔