پاکستان اور بنگلا دیش کے درمیان ون ڈے سیریز کا پہلا میچ آج کھیلا جائے گا

پاکستان اور بنگلہ دیش کے درمیان تین میچوں پر مشتمل ون ڈے انٹرنیشنل سیریز کا پہلا میچ آج ڈھاکا میں کھیلا جائے گا۔

پاکستانی وقت کے مطابق میچ کا آغاز سہ پہر ایک بج کر 15 منٹ پر ہوگا۔ پہلے ون ڈے میں پاکستان کی جانب سے تین کھلاڑی ڈیبیو کریں گے، جن میں صاحبزادہ فرحان، معاذ صداقت اور شمائل حسین شامل ہیں۔

سیریز کا دوسرا اور تیسرا میچ 13 اور 15 مارچ کو کھیلا جائے گا جبکہ سیریز کے تمام میچز ڈھاکا کے شیر بنگلا نیشنل کرکٹ اسٹیڈیم میں ہوں گے۔

دوسری جانب پاکستان کرکٹ ٹیم کے ہیڈ کوچ مائیک ہیسن نے بنگلہ دیش کے خلاف سیریز کے لیے منتخب نئی کھلاڑیوں پر مشتمل ٹیم پر مکمل اعتماد کا اظہار کیا ہے۔

انہوں نے کہا کہ سکواڈ میں شامل نوجوان کھلاڑیوں نے پاکستان شاہینز اور ڈومیسٹک کرکٹ میں شاندار کارکردگی دکھا کر قومی ٹیم میں جگہ بنائی ہے اور امید ہے کہ وہ بین الاقوامی سطح پر بھی اچھی کارکردگی دکھائیں گے۔

مائیک ہیسن کا کہنا تھا کہ بنگلہ دیش کی کنڈیشنز میں کھیلنا ہمیشہ آسان نہیں ہوتا، اس لیے ٹیم کو جلد مقامی پچ اور موسم کے مطابق خود کو ڈھالنا ہوگا تاکہ میزبان ٹیم کو اس کی سرزمین پر سخت مقابلہ دیا جا سکے۔

دورہ بنگلہ دیش کے لیے پاکستان کے 15 رکنی سکواڈ کی قیادت شاہین شاہ آفریدی کر رہے ہیں۔