عمان سے ٹیسٹ سیریز: پاکستان انڈر 21 ہاکی ٹیم مسقط روانہ

پاکستان انڈر 21 ہاکی ٹیم عمان کی سینئر نیشنل ٹیم کے ساتھ 5 ٹیسٹ میچز کی سیریز کھیلنے کے لیے مسقط روانہ ہو گئی ہے۔ پاکستان ہاکی فیڈریشن (PHF) کے مطابق قومی جونیئر ٹیم کے ہمراہ ہیڈ کوچ اولمپیئن ایاز محمود، کوچ اولمپیئن سمیر حسین اور کوچ اظفر یعقوب بھی موجود ہیں۔ سیریز کا پہلا ٹیسٹ میچ 29 جولائی، دوسرا 31 جولائی، تیسرا 1 اگست، چوتھا 2 اگست اور پانچواں و آخری ٹیسٹ میچ 4 اگست کو کھیلا جائے گا۔ اس سیریز کو نوجوان کھلاڑیوں کے عالمی و بین الاقوامی تجربے کے لیے انتہائی اہم قرار دیا جا رہا ہے۔