پاکستان انڈر 19 ٹیم کے دورۂ انگلینڈ کے لیے 15 رکنی سکواڈ کا اعلان

پاکستان کرکٹ بورڈ (پی سی بی) نے انگلینڈ کے خلاف آئندہ سیریز کے لیے پاکستان انڈر 19 ٹیم کے 15 رکنی اسکواڈ کا باضابطہ اعلان کر دیا ہے۔ گزشتہ سال دسمبر میں قومی جونیئر ٹیم کو اے سی سی انڈر 19 ایشیا کپ کا ٹائٹل جتوانے والے دائیں ہاتھ کے باصلاحیت بیٹر فرحان یوسف کو اس دورے کے لیے ٹیم کا کپتان مقرر کیا گیا ہے۔ قومی انڈر 19 ٹیم 30 اگست کو لاہور سے انگلینڈ کے لیے روانہ ہوگی، جہاں 2 سے 16 ستمبر تک جاری رہنے والے اس دورے کے دوران وہ 1 یوتھ ٹیسٹ میچ اور 4 یوتھ ون ڈے میچز کھیلے گی۔ اسکواڈ میں بیٹنگ کے شعبے میں حسنین عباس ڈار اور عثمان خان، جبکہ وکٹ کیپنگ کی ذمہ داریوں کے لیے حمزہ ظہور اور عبدالقادر کو شامل کیا گیا ہے۔ آل راؤنڈرز کے طور پر عالیان سلمان، احمد حسین، جہانگیر بلال اور ہیام خان دستیاب ہوں گے۔ فاسٹ بولنگ اٹیک کی قیادت محمد صیام، عبدالسبحان، رضوان اللہ اور عمر زیب کریں گے، جبکہ اسپین کے شعبے میں محمد حذیفہ اور نقاب شفیق اپنی صلاحتیوں کا مظاہرہ کریں گے۔ ٹیم کی کوچنگ کی ذمہ داریاں سابق قومی کرکٹر شاہد انور انجام دیں گے، جبکہ راؤ افتخار انجم (فاسٹ بولنگ)، زوہیب خان (اسپن) اور ہمایوں فرحت (فیلڈنگ) ان کے معاون کوچز ہوں گے