ایشین گیمز میں شرکت کے لیے پاکستان ٹینس ٹیم جاپان روانہ

ایشین گیمز 2026 میں شرکت کے لیے پاکستان ٹینس فیڈریشن کا 8 رکنی قومی دستہ جاپان روانہ ہو گیا ہے، جہاں ٹینس کے عالمی مقابلوں کا باقاعدہ آغاز 27 ستمبر سے ہونے جا رہا ہے۔ قومی اسکواڈ میں پاکستان کے 6 نمایاں کھلاڑی اور 2 آفیشلز شامل ہیں۔ تجربہ کار ٹینس اسٹار اعصام الحق قریشی اور عقیل خان قومی ٹیم کی قیادت کر رہے ہیں، جبکہ دیگر کھلاڑیوں میں مزمل مرتضیٰ، محمد شعیب، اشنا سہیل اور ماہین آفتاب قریشی شامل ہیں۔

قومی ٹینس ٹیم کے ہمراہ محمد حسیب اسلم بطور ہیڈ کوچ جاپان روانہ ہوئے ہیں، جبکہ کرنل (ر) ضیاء الدین طفیل کو ایشین گیمز کے لیے پاکستان ٹینس اسکواڈ کا آفیشل منیجر مقرر کیا گیا ہے۔ جاپان روانگی سے قبل کھلاڑیوں نے ایونٹ میں بہترین کارکردگی کا مظاہرہ کر کے ملک کے لیے میڈلز جیتنے کے عزم کا اظہار کیا ہے۔