پاکستان اور سوڈان کے درمیان سفارتی و سرکاری پاسپورٹس پر ویزا ختم کرنے کا معاہدہ

پاکستان اور سوڈان کے درمیان سرکاری اور سفارتی پاسپورٹس پر ویزا فری داخلے کا باضابطہ معاہدہ طے پا گیا ہے، جس کے تحت دونوں ممالک کے سفارتکاروں اور سرکاری حکام کو بغیر ویزا سفر کی سہولت حاصل ہوگی۔ اسلام آباد میں وفاقی وزیر داخلہ محسن نقوی اور ان کے سوڈانی ہم منصب لیفٹیننٹ جنرل بابکر سمرہ مصطفیٰ علی نے معاہدے پر دستخط کیے۔ اس موقع پر وفاقی وزیر داخلہ محسن نقوی نے معاہدے کو دوطرفہ سفارتی تعلقات کا اہم سنگ میل قرار دیتے ہوئے کہا کہ اس سے اعلیٰ سطحی وفود کے تبادلے اور باہمی تعاون کو فروغ ملے گا۔ مذاکرات کے دوران سیکورٹی، پولیس ٹریننگ، نادرا، صحت اور سائبر کرائم سمیت متعدد شعبوں میں اشتراک پر بھی مکمل اتفاق کیا گیا، جبکہ محسن نقوی نے پاکستان میں مقیم شادی شدہ سوڈانی خواتین کے ویزا مسائل کے فوری حل کے احکامات بھی جاری کیے۔