تھرپارکر میں شدید خشک سالی، 90 فیصد فصلیں تباہ: وزیراعلیٰ سندھ کا ضلع کو آفت زدہ قرار دینے کا فیصلہ

وزیراعلیٰ سندھ سید مراد علی شاہ نے تھرپارکر کو آفت زدہ ضلع قرار دینے کا فیصلہ کرتے ہوئے علاقے میں خشک سالی سے نمٹنے کے لیے فوری اقدامات کی ہدایت جاری کر دی ہے۔ وزیراعلیٰ ہاؤس میں منعقدہ بریفنگ کے دوران بتایا گیا کہ ستمبر 2026 میں غیر متوازن بارشوں کے باعث تھرپارکر کے تمام 7 تعلقوں میں 85 سے 90 فیصد فصلیں اور قدرتی گھاس پکنے سے قبل ہی تباہ ہو چکی ہیں۔ وزیراعلیٰ سندھ نے چیف سیکریٹری کو ہدایت کی کہ نؤکوٹ سے مٹھی تک واٹر لائن بچھانے کی فزیبلٹی کا جائزہ لیا جائے، تمام غیر فعال آر او (RO) پلانٹس اور پینے کے پانی کے ذرائع کی فوری مرمت کی جائے اور مویشیوں کے تحفظ کے لیے بھی تجاویز پیش کی جائیں۔ انہوں نے واضح کیا کہ حکومت کی اولین ترجیح متاثرہ عوام کو تنہا نہ چھوڑنا، پینے کا صاف پانی فراہم کرنا اور متاثرہ خاندانوں کی بحالی ہے۔