وزیراعلیٰ پنجاب کا پاکستان کے پہلے فل الیکٹرک سویپر ٹرک کا افتتاح

وزیراعلیٰ پنجاب مریم نواز نے پاکستان کے پہلے ‘فل الیکٹرک سویپر ٹرک’ کا باضابطہ افتتاح کر دیا ہے، جس کے ذریعے ابتدائی طور پر لاہور رنگ روڈ کی میکانکی صفائی اور دھلائی کی جائے گی۔ افتتاح کے موقع پر وزیراعلیٰ کو بریفنگ دیتے ہوئے بتایا گیا کہ یہ ٹرک ایک بار چارج ہونے پر 70 کلومیٹر تک کام کرنے کی صلاحیت رکھتا ہے اور سڑک پر کھڑے پانی کو بھی خودکار نظام کے تحت جذب اور صاف کر سکتا ہے۔ اس جدید ٹرک کے استعمال سے صفر کاربن اخراج (Zero Carbon Emission) ہوگا جس سے ماحولیاتی، گرد و غبار اور سمعی (شور کی) آلودگی میں نمایاں کمی آئے گی۔ وزیراعلیٰ نے گاڑی کا معائنہ کرتے ہوئے لاہور سمیت پنجاب کے دیگر شہروں کو جدید اور ماحولیات دوست تکنیک کے تحت صاف ستھرا رکھنے کی عزم کا اعادہ کیا۔