پاکستان سٹاک مارکیٹ: ہفتہ وار کاروبار میں 100 انڈیکس میں 689 پوائنٹس اضافہ

کراچی: پاکستان سٹاک مارکیٹ میں ہفتہ وار کاروبار کے دوران ملا جلا رجحان رہا۔ ہفتے کے دوران 100 انڈیکس میں 689 پوائنٹس کا اضافہ ہوا اور انڈیکس 185,098 پوائنٹس کی سطح پر بند ہوا۔

ہفتے کے دوران 100 انڈیکس کی بلند ترین سطح 185,208 اور کم ترین سطح 180,589 پوائنٹس رہی۔ سرمایہ کاروں نے ہفتے میں 4 ارب 90 کروڑ حصص کے سودے کیے، جن کی مجموعی مالیت 292 ارب روپے رہی۔

ماہرین کے مطابق مارکیٹ میں سرمایہ کاروں نے 206 ارب روپے کا منافع کمایا جبکہ مجموعی مارکیٹ کیپٹلائزیشن 20,974 ارب روپے کی سطح پر پہنچ گئی۔