پاکستان سٹاک ایکسچینج میں کاروبار کے دوران منفی رجحان

پاکستان اسٹاک ایکسچینج میں کاروباری ہفتے کے پانچویں اور آخری روز کاروبار کے آغاز پر ہی شدید مندی کا رجحان غالب رہا، جہاں 100 انڈیکس میں 1500 سے زائد پوائنٹس کی بڑی گراوٹ دیکھنے میں آئی۔ اس کمی کے نتیجے میں انڈیکس 1 لاکھ 72 ہزار 809 پوائنٹس کی سطح پر نیچے آ گیا۔ یاد رہے کہ گزشتہ کاروباری روز کے اختتام پر اسٹاک مارکیٹ میں مثبت رجحان رہا تھا اور 100 انڈیکس 3366 پوائنٹس کے نمایاں اضافے کے ساتھ 1 لاکھ 75 ہزار 379 پوائنٹس کی بلند سطح پر بند ہوا تھا۔