آل پاکستان گڈز ٹرانسپورٹ اتحاد کا کرایوں میں 5 فیصد کمی کا اعلان

آل پاکستان گڈز ٹرانسپورٹ اتحاد نے حکومت کی جانب سے پٹرول اور ڈیزل کی قیمتوں میں کمی کے فیصلے کا خیرمقدم کرتے ہوئے مال بردار گاڑیوں کے کرایوں میں 5 فیصد کمی کا باضابطہ اعلان کر دیا ہے۔ اتحاد کے صدر ملک شہزاد اعوان نے اپنے بیان میں کہا کہ گزشتہ دنوں پٹرولیم مصنوعات کی قیمتوں میں کی جانے والی کمی کے پیش نظر یہ ریلیف فراہم کرنے کا فیصلہ کیا گیا ہے۔ واضح رہے کہ حکومت نے پٹرول کی قیمت میں 9 روپے 41 پیسے فی لیٹر کمی کے بعد نئی قیمت 352 روپے 59 پیسے اور ڈیزل کی قیمت میں 5 روپے 56 پیسے کمی کے بعد نئی قیمت 382 روپے 25 پیسے فی لیٹر مقرر کی ہے، جس پر ٹرانسپورٹرز نے حکومت سے ٹرانسپورٹ سیکٹر کو مزید ریلیف دینے کے لیے قیمتیں مزید کم کرنے کا بھی مطالبہ کیا ہے۔