ملکی زرمبادلہ کے ذخائر میں 11 کروڑ 10 لاکھ ڈالر کا اضافہ

ملکی مجموعی زرمبادلہ کے ذخائر میں مسلسل بہتری کا سلسلہ جاری ہے اور حالیہ اعداد و شمار کے مطابق ان میں 11 کروڑ 10 لاکھ ڈالر کا مزید اضافہ ریکارڈ کیا گیا ہے۔

سٹیٹ بینک آف پاکستان (SBP) کی جانب سے جاری کردہ ڈیٹا کے مطابق اس تازہ اضافے کے بعد پاکستان کے مجموعی زرمبادلہ کے ذخائر بڑھ کر 26 ارب 86 کروڑ ڈالر کی سطح پر پہنچ گئے ہیں۔

تفصیلات کے مطابق، مرکزی بینک کے اپنے زرمبادلہ کے ذخائر میں 4 کروڑ ڈالر کا اضافہ دیکھا گیا، جس سے سٹیٹ بینک کے ذخائر بڑھ کر 21 ارب 56 کروڑ ڈالر ہو گئے ہیں۔ دوسری جانب، کمرشل بینکوں کے پاس موجود زرمبادلہ کے ذخائر میں بھی 7 کروڑ 10 لاکھ ڈالر کا مثبت اضافہ ریکارڈ کیا گیا ہے، جس کے بعد کمرشل بینکوں کے ذخائر 5 ارب 30 کروڑ ڈالر کی سطح پر آ گئے ہیں۔