سلامتی کونسل میں پاکستان کا صدارتی بیانیہ منظور، جنگوں کے دوران سفارت کاری پر زور

اقوام متحدہ کی سلامتی کونسل نے پاکستان کی جانب سے پیش کردہ ایک اہم صدارتی بیان متفقہ طور پر منظور کر لیا ہے، جس میں مسلح تنازعات کے دوران بھی تمام ممالک پر سفارتی روابط قائم رکھنے اور تنازعات کے پائیدار سیاسی حل پر زور دیا گیا ہے۔ نومبر کی صدر اور لٹویا کی سفیر سانیتا پاولوتا-ڈیس لینڈس کی زیر صدارت منظور ہونے والے اس بیان میں کہا گیا ہے کہ جنگ کے باوجود ثالثی اور مکالمے سے شہریوں کے تحفظ اور انسانی امداد کی فراہمی کو یقینی بنایا جا سکتا ہے۔ اقوام متحدہ میں پاکستان کے مستقل مندوب، سفیر سید حیدر شاہ نے بیان کی منظوری کا خیرمقدم کرتے ہوئے اسے عالمی امن کی جانب اہم پیش رفت قرار دیا، جو جولائی 2025 میں پاکستان کی صدرات کے دوران منظور ہونے والی قرارداد 2788 کے اصولوں پر مبنی ہے۔ سلامتی کونسل نے سیکریٹری جنرل، علاقائی تنظیموں اور عالمی عدالتِ انصاف کے سفارتی کردار کی توثیق کرتے ہوئے تصادم روکنے کے لیے مسلسل کوششوں کی ہدایت کی ہے۔