پاکستان سٹاک مارکیٹ میں تیزی، 900 سے زائد پوائنٹس کا اضافہ

پاکستان سٹاک ایکسچینج (PSX) میں ہفتے کے پہلے کاروباری دن زبردست تیزی اور مثبت رجحان دیکھنے میں آیا ہے، جس کے نتیجے میں کے ایس ای 100 انڈیکس ایک لاکھ 82 ہزار پوائنٹس کی اہم حد پر بحال ہو گیا ہے۔

کاروبار کے آغاز پر ہی مارکیٹ میں خریداروں کا شدید دباؤ رہا اور انڈیکس میں 900 سے زائد پوائنٹس کا اضافہ ریکارڈ کیا گیا۔ اس زبردست تیزی کے ساتھ کے ایس ای 100 انڈیکس بڑھ کر 1,82,347 پوائنٹس کی سطح پر پہنچ گیا۔

واضح رہے کہ گزشتہ کاروباری ہفتے کے آخری روز مارکیٹ کا اختتام 1,81,430 پوائنٹس پر ہوا تھا۔ کاروباری ہفتے کے آغاز میں مثبت اشاریوں سے سرمایہ کاروں کے اعتماد میں اضافہ دیکھا جا رہا ہے۔