پاکستان سٹاک ایکسچینج ہفتے کے آخری روز ایک لاکھ 84 ہزار کی حد پار کر گئی

کراچی: پاکستان سٹاک ایکسچینج میں کاروباری ہفتے کے آخری روز نمایاں تیزی کا رجحان دیکھا جا رہا ہے، ہنڈرڈ انڈیکس 3,100 پوائنٹس کے اضافے سے ایک لاکھ 84 ہزار پوائنٹس کی سطح پر ٹریڈ کر رہا ہے، جبکہ حصص بازار میں تیزی کے ساتھ ریکوری کا سلسلہ جاری ہے۔

خیال رہے کہ کاروباری ہفتے کے چوتھے روز کاروبار کے آغاز پر بھی سٹاک مارکیٹ میں تیزی دیکھی گئی تھی، 1,000 سے زائد پوائنٹس کے اضافے کے ساتھ ہنڈرڈ انڈیکس ایک لاکھ 83 ہزار 717 پوائنٹس پر پہنچ گیا تھا۔ تاہم ٹریڈنگ کے دوران اچانک مندی دیکھنے کو ملی، جس کے باعث ہنڈرڈ انڈیکس 1,113 پوائنٹس کی کمی کے ساتھ ایک لاکھ 81 ہزار 456 پوائنٹس پر بند ہوا۔

گزشتہ روز سٹاک مارکیٹ میں 31 ارب 7 کروڑ 28 لاکھ 20 ہزار 173 روپے مالیت کے 28 کروڑ 13 لاکھ 7 ہزار 943 شیئرز کا لین دین ہوا۔