پاکستان کی ثنا بہادر نے آسٹریلیا میں ہونیوالا اسکواش ٹورنامنٹ جیت لیا

آسٹریلیا کے شہر میلبرن میں منعقدہ اسکواش ٹورنامنٹ میں پاکستان کی نمائندگی کرتے ہوئے ثنا بہادر نے شاندار کامیابی حاصل کر لی ہے۔ فائنل میں ثنا بہادر نے بہترین کھیل کا مظاہرہ کرتے ہوئے میزبان ملک آسٹریلیا کی کھلاڑی راشیل گرینا کو 1-3 سے شکست دے کر ٹرافی اپنے نام کی۔ میلبرن میں کھیلے گئے اس عالمی ایونٹ کی مجموعی انعامی رقم 3 ہزار امریکی ڈالرز تھی۔ ثنا بہادر کی اس شاندار فتح پر کھیل کے حلقوں کی جانب سے انہیں مبارکباد پیش کی جا رہی ہے۔