ورلڈ کپ کیلئے کوالیفائی کرنے والی پاکستانی ہاکی ٹیم وطن پہنچ گئی

پاکستان ہاکی ٹیم نے 8 سال بعد ورلڈ کپ کے لیے کوالیفائی کرنے کے بعد وطن واپسی کی۔ اسلام آباد ایئرپورٹ پر ٹیم کا شاندار استقبال کیا گیا، کھلاڑیوں پر پھولوں کی پتیاں نچھاور کی گئیں اور انہیں ہار پہنائے گئے۔ پاکستان ٹیم نے مصر میں ورلڈ کپ کوالیفائر میں بہترین کارکردگی کا مظاہرہ کیا۔ ہاکی ورلڈ کپ 14 اگست سے بیلجیئم اور نیدرلینڈ میں شروع ہوگا، جس میں 16 ٹیمیں شرکت کریں گی۔ ورلڈ کپ سے قبل پاکستان ہاکی ٹیم پرو لیگ کے 2 ایونٹ بھی کھیلے گی۔