ایف آئی ایچ پرو ہاکی لیگ میں شرکت کے لیے قومی ہاکی ٹیم بیلجیم روانہ، 23 جون کو روایتی حریف بھارت سے مقابلہ

کراچی: پاکستان کی قومی ہاکی ٹیم انٹرنیشنل ہاکی فیڈریشن (FIH) پرو ہاکی لیگ میں شرکت کے لیے جناح انٹرنیشنل ایئرپورٹ کراچی سے بیلجیم کے لیے روانہ ہو گئی ہے۔ پرو ہاکی لیگ کے یہ باوقار مقابلے 13 سے 28 جون 2026 تک بیلجیم اور برطانیہ (یوکے) کے مختلف میدانوں پر کھیلے جائیں گے۔ قومی اسکواڈ کی رہنمائی کے لیے اولمپین منظور الحسن ہیڈ کوچ جبکہ اولمپین خواجہ محمد جنید بطور ٹیم مینیجر خدمات انجام دے رہے ہیں۔

یورپی دورے کے لیے روانہ ہونے والے قومی اسکواڈ میں درج ذیل کھلاڑی شامل ہیںعلی رضا اور وقار۔ زکریا حیات، عماد شکیل بٹ، عبدالمتین، محمد عماد، معین شکیل، رانا محمد ولید اشرف، غضنفر علی، محمد عبداللہ، احمد ندیم، ارشد لیاقت، عبدالمنان، افراز، بشارت علی، محمد ندیم خان، رانا عبدالوحید اشرف، ابوبکر محمود، ارباز احمد اور محمد حماد الدین انجم۔

قومی ٹیم اس اہم دورے کے دوران بیلجیم اور انگلینڈ میں مجموعی طور پر پانچ میچز کھیلے گی۔ شیڈول کے مطابق، بیلجیم لیگ کے تمام مقابلے اینٹورپ (Antwerp) میں منعقد ہوں گے، جہاں پاکستان اپنے سفر کا آغاز 13 جون کو میزبان بیلجیم کے خلاف پہلے میچ سے کرے گا۔ اس کے فوراً بعد 14 جون کو پاکستان کا مقابلہ اسپین سے ہوگا، جبکہ 18 جون کو قومی ٹیم ایک بار پھر بیلجیم اور 20 جون کو اسپین کے خلاف میدان میں اترے گی۔ بیلجیم کے میچز ختم ہونے کے بعد قومی ٹیم لندن روانہ ہوگی، جہاں انگلینڈ لیگ کے دوران 23 جون کو پاکستان اور اس کے روایتی حریف بھارت کے درمیان ایک سنسنی خیز اور ہائی وولٹیج میچ کھیلا جائے گا۔