پاکستان کی جنوبی کوریا کیخلاف مسلسل تیسری فتح، سیریز بھی اپنے نام کر لی

پاکستان ہاکی ٹیم نے شاندار کارکردگی کا مظاہرہ کرتے ہوئے چار میچوں کی سیریز کے تیسرے میچ میں میزبان جنوبی کوریا کو سنسنی خیز مقابلے کے بعد 3-4 سے شکست دے دی۔ اس کامیابی کے ساتھ قومی ٹیم نے سیریز میں مسلسل تیسری فتح حاصل کرتے ہوئے 0-3 کی ناقابلِ شکست اور فیصلہ کن برتری کے ساتھ سیریز اپنے نام کر لی ہے۔

میچ کے پہلے حصے میں برتری گنوانے کے بعد پاکستان نے بہترین کھیل پیش کرتے ہوئے یادگار کم بیک کیا۔ قومی کھلاڑیوں نے تیسرے اور چوتھے کوارٹر میں دو، دو گول اسکور کر کے میچ کا نقشہ بدل دیا اور ہدف حاصل کر لیا۔ سیریز میں ناقابلِ شکست رہنے والی پاکستانی ٹیم اب آخری اور چوتھے میچ میں مہم کے مکمل کلین سویپ کے عزم کے ساتھ میدان میں اترے گی۔