نیشنل چیمپئنز کپ: پاکستان گرینز نے پاکستان بلیوز کو 192 رنز سے شکست دے دی

ملتان کرکٹ سٹیڈیم میں جاری نیشنل چیمپئنز کپ کے میچ میں پاکستان گرینز نے پاکستان بلیوز کو 192 رنز سے باآسانی شکست دے دی۔ پاکستان گرینز نے پہلے بیٹنگ کرتے ہوئے مقررہ اوورز میں 302 رنز بنائے، جس میں محمد سلیمان کے 101 رنز کی شاندار سنچری کے علاوہ سعد بیگ کے 77 اور فرحان یوسف کے 55 رنز شامل تھے۔ 303 رنز کے ہدف کے تعاقب میں پاکستان بلیوز کی پوری ٹیم گرینز کی بہترین بولنگ کے سامنے محض 110 رنز پر ڈھیر ہو گئی۔

اس موقع پر ملتان کرکٹ سٹیڈیم میں یومِ آزادی کی مناسبت سے خصوصی تقریب کا بھی انعقاد کیا گیا جس میں معروف گلوکار ندیم لونے والا کے فن کا مظاہرہ شامل تھا۔ چیئرمین پی سی بی محسن نقوی نے اپنے ایکس (ٹوئٹر) پیغام میں شائقین کرکٹ کی بھرپور شرکت کے لیے سٹیڈیم میں داخلہ مفت رکھنے کا اعلان کیا تھا۔