پاکستان نے آئی ٹی ایف ورلڈ چیمپئن شپ میں 4 تمغے جیت لیے

پرتگال کے شہر لزبن میں منعقدہ انٹرنیشنل ٹینس فیڈریشن (آئی ٹی ایف) ماسٹرز ورلڈ چیمپئن شپ میں پاکستان نے شاندار کارکردگی کا مظاہرہ کرتے ہوئے مجموعی طور پر چار تمغے اپنے نام کر لیے ہیں۔ پاکستان کی جانب سے اعصام الحق قریشی نے آسٹریا کی نینا ہرمن کے ساتھ مکسڈ ڈبلز کے فائنل میں ٹاپ سیڈ پرتگالی جوڑی کو شکست دے کر مسلسل دوسری بار عالمی چیمپئن بننے کا اعزاز حاصل کیا۔ اس کے علاوہ اعصام الحق اور عقیل خان نے مینز 45 پلس ڈبلز جبکہ قومی ٹیم نے 45 پلس ورلڈ ٹیم چیمپئن شپ میں چاندی کے تمغے جیتے، اور عقیل خان نے 40 پلس مکسڈ ڈبلز میں کانسی کا تمغہ جیت کر پاکستان کی کامیابی مکمل کی۔