ویسٹ انڈیزکیخلاف پہلاٹیسٹ: 2 پاکستانی کھلاڑی آئی سی سی کوڈآف کنڈکٹ کی خلاف ورزی کے مرتکب قرار

انٹرنیشنل کرکٹ کونسل (آئی سی سی) نے ویسٹ انڈیز کے خلاف پہلے ٹیسٹ میچ کے دوران پاکستان کرکٹ ٹیم کے فاسٹ بولرز خرم شہزاد اور محمد عباس کو کوڈ آف کنڈکٹ کی خلاف ورزی کا مرتکب قرار دے دیا ہے۔ آئی سی سی کے مطابق دونوں کھلاڑیوں نے میچ کے دوران نامناسب اور جارحانہ رویہ اختیار کیا۔

آئی سی سی نے خرم شہزاد کو لیول ون کی خلاف ورزی پر میچ فیس کا 15 فیصد جرمانہ عائد کیا ہے۔ خرم شہزاد نے ویسٹ انڈین بیٹر شائے ہوپ کو آؤٹ کرنے کے بعد ان کے قریب جا کر جارحانہ انداز اختیار کیا تھا۔ دوسری جانب فاسٹ بولر محمد عباس کو جومیل وریکین کو آؤٹ کرنے کے بعد غیر مناسب طریقے سے جشن منانے پر باقاعدہ سرکاری تنبیہ (ریپریمانڈ) جاری کی گئی ہے۔

انٹرنیشنل کرکٹ کونسل کی جانب سے ان نظم و ضبط کی خلاف ورزیوں کے نتیجے میں دونوں پاکستانی فاسٹ بولرز کے نظم و ضبط کے ریکارڈ میں ایک ایک ڈی میرٹ پوائنٹ بھی شامل کر دیا گیا ہے