پاکستان کرپٹو رجحان سے الگ نہیں رہ سکتا، گورنر اسٹیٹ بینک

کراچی میں گورنر اسٹیٹ بینک جمیل احمد نے کہا ہے کہ دنیا بھر میں کرپٹو کرنسی کے بڑھتے رجحان کے پیشِ نظر پاکستان الگ تھلگ نہیں رہ سکتا، اس لیے کرپٹو کو ریگولیٹری فریم ورک میں لانے کے لیے اقدامات ناگزیر ہیں۔

انہوں نے کہا کہ موجودہ معاشی استحکام کا تسلسل آئندہ دو سال تک برقرار رہنے کا امکان ہے، جبکہ رواں مالی سال مہنگائی کی شرح 5 سے 7 فیصد کے درمیان رہنے کا تخمینہ ہے۔

گورنر اسٹیٹ بینک کے مطابق رواں مالی سال درآمدات میں اضافے اور برآمدات میں کمی کے باوجود ترسیلاتِ زر میں اضافے سے کرنٹ اکاؤنٹ بہتر پوزیشن میں رہے گا۔

انہوں نے واضح کیا کہ عید الفطر کے موقع پر نئے ڈیزائن کے کرنسی نوٹ جاری نہیں کیے جائیں گے۔