پاکستان کرکٹ ٹیم کی کنگ چارلس سے ملاقات متوقع

پاکستان کرکٹ ٹیم کے برطانیہ کے جاری دورے کے دوران 2 ستمبر کو کنگ چارلس سے اہم ملاقات متوقع ہے۔ ذرائع کے مطابق لارڈز کے تاریخی میدان میں انگلینڈ کے خلاف دوسرے ٹیسٹ میچ کے اختتام کے بعد قومی وفد شاہی محل میں ملاقات کرے گا۔ اس دورے اور ملاقات میں پاکستانی وفد کی قیادت چیئرمین پاکستان کرکٹ بورڈ (پی سی بی) محسن نقوی کریں گے، جبکہ قومی ٹیم کے کھلاڑی بھی شاہی مہمان بنیں گے۔ پاکستان اور انگلینڈ کے درمیان تین ٹیسٹ میچز پر مشتمل سیریز کا دوسرا میچ 27 اگست سے لارڈز میں کھیلا جا رہا ہے، جس کے فوراً بعد اس خصوصی ملاقات کا امکان ظاہر کیا گیا ہے۔