پاکستان کرکٹ ٹیم انگلینڈ کے خلاف تیسرے ٹیسٹ میچ کیلئے برمنگھم پہنچ گئی

پاکستان کرکٹ ٹیم انگلینڈ کے خلاف ٹیسٹ سیریز کے تیسرے اور آخری میچ کی تیاریوں کے لیے برمنگھم پہنچ گئی ہے۔ ذرائع کے مطابق عبداللہ فضل، عرفات منہاس اور عمران رندھاوا نے بھی قومی اسکواڈ کو جوائن کر لیا ہے، جبکہ قومی ٹیم 4 ستمبر کو ایجبسٹن کرکٹ گراؤنڈ میں صبح ساڑھے 9 بجے اپنے ٹریننگ سیشن کا آغاز کرے گی۔ پاکستان اور انگلینڈ کے درمیان یہ فیصلہ کن میچ 9 ستمبر سے برمنگھم کے ایجبسٹن گراؤنڈ میں کھیلا جائے گا، جہاں ہوم ٹیم انگلینڈ کو 3 ٹیسٹ میچوں کی سیریز میں پہلے ہی 0-2 کی ناقابلِ شکست برتری حاصل ہے۔