ہاکی ورلڈ کپ 2026: پاکستان کے عبد الرحمن نے میجک اسکل ایوارڈ جیت لیا

انٹرنیشنل ہاکی فیڈریشن (FIH) نے باضابطہ طور پر ‘ورلڈ کپ میجک اسکل ایوارڈز’ کا اعلان کر دیا ہے، جس میں پاکستان کے ابھرتے ہوئے ہاکی پلیئر عبد الرحمن نے اپنے شاندار اور سنسنی خیز کھیل کے بل بوتے پر بین الاقوامی ایوارڈ اپنے نام کر کے ملک کا نام روشن کر دیا ہے۔

مینز کیٹیگری میں یہ عالمی اعزاز حاصل کرنے والے پاکستانی کھلاڑی عبد الرحمن نے ہاکی ورلڈ کپ کے دوران ویلز کے خلاف میچ میں بہترین ‘تھری ڈی اسکلز’ (3D Skills) اور حیران کن فیلڈ ڈرائبلنگ کا مظاہرہ کیا تھا۔ میگا ایونٹ کے اس سنسنی خیز مقابلے میں عبد الرحمن نے حریف ٹیم ویلز کے چار دفاعی کھلاڑیوں (ڈیفینڈرز) کو یکے بعد دیگرے چکمہ (ڈاج) دیتے ہوئے ایک انتہائی خوبصورت اور یادگار فیلڈ گول اسکور کیا تھا، جسے عالمی سطح پر مداحوں اور ماہرین کی جانب سے بے حد سراہا گیا۔