پاک بھارت ہائی وولٹیج ٹاکرے کے انعقاد پرپھر شکوک کے بادل، بارش کی انٹری کا امکان

ٹی ٹوئنٹی ورلڈکپ میں پاکستان اور بھارت کےدرمیان  ہائی وولٹیج ٹاکرا بارش سے متاثرہونے کا خدشہ ہے۔ اتوار 15فروری کو سری لنکاکے دارلحکومت کولمبومیں گروپ اے کا اہم ترین میچ شیڈول ہے۔ تاہم غیرمتوقع موسم اور محکمہ موسمیات کی رپورٹس نے ممکنہ طورپر میچ کے انعقاد پر سوالیہ نشان لگادیاہے۔

محکمہ موسمیات کی مختلف رپورٹس کے مطابق پاک بھارت میچ کے دن بارش اور گرج چمک کے ساتھ طوفان کا 50 فیصد امکان ہے، جبکہ شام 6 بجے کے قریب شہر میں 2.1 ملی میٹر بارش متوقع ہے۔

اگر میچ بارش کی نذر ہو جاتا ہے تو پاکستان اور بھارت دونوں کو ایک، ایک پوائنٹ دیا جائے گا۔شائقین یہی دعا کررہے ہیں کہ کرکٹ کی دنیاکا سب سے بڑامقابلہ بارش سے متاثر نہ ہو۔پاکستانی ٹیم اپنےدونوں میچز جیت کر گروپ اے میں 4 پوائنٹس کے ساتھ پہلے نمبر پر ہے۔