ڈھاکا ٹیسٹ کا پہلا روزبنگلہ دیشی بیٹرزکے نام، 4وکٹوں پر 301رنز بنالیے

ڈھاکا ٹیسٹ کے پہلے دن کھیل کے اختتام پر بنگلہ دیش نے 4وکٹوں کے نقصان پر 301رنز بنالیے۔پہلے ٹیسٹ کے پہلے روز بنگلہ دیشی بلے بازوں نے جم کر بیٹنگ کی اور ٹیم کی پوزیشن مستحکم کردی۔

پاکستان نے ٹاس جیت کر بنگلہ دیش کو پہلے بیٹنگ کرنے کی دعوت دی تو ابتدائی 2 وکٹیں 31 رنز پر گر گئیں۔محمود الحسن جوئے 8 اور شادمان اسلام 13 رنز بناکر آؤٹ ہوئے تاہم مومن الحق نے کپتان نجم الحسن شنتو کے ہمراہ تیسری وکٹ پر 170 رنز کی شراکت قائم کرکے ٹیم کو مشکل سے نکال دیا۔

نجم الحسن شنتو 101 رنز بناکر آؤٹ ہوئے تو مومن الحق (91)نے مشفق الرحیم کے ہمراہ چوتھی وکٹ پر 75 رنز کی مزید شراکت قائم کی۔کھیل کے اختتام تک بنگلادیش نے 4 وکٹوں کے نقصان پر 301 رنز بنالیے۔

پاکستان کی جانب سے حسن علی، شاہین آفریدی، محمد عباس اور نعمان علی نے ایک ایک وکٹ حاصل کی۔