دنیا کا سب سے عجیب اسمارٹ فون جو آگ جلانے کا کام کرسکتا ہے

چینی کمپنی Oukitel نے موبائل فون کی تاریخ کا ایک انوکھا تجربہ کرتے ہوئے WP63 لانچ کر دیا ہے، جو ضرورت پڑنے پر الیکٹرک لائٹر بن جاتا ہے۔ یہ فون خاص طور پر ان لوگوں کے لیے تیار کیا گیا ہے جو ایڈونچر، کیمپنگ اور ہائیکنگ کے شوقین ہیں۔ اس فون کے اندر ایک الیکٹرک کوائل (Electric Coil) نصب ہے جو کسی بھی ایمرجنسی میں آگ جلانے کے کام آسکتی ہے۔ 27 ملی میٹر موٹائی اور اپنی مضبوط ساخت کی وجہ سے اسے ایک “اینٹ” سے تشبیہ دی جا رہی ہے، تاہم اس کے فیچرز اسے ایک طاقتور پاور ہاؤس بناتے ہیں