ہارن بجا کر سوئے ہوئے ریچھ کی نیند خراب کرنا جُرم قرار ریچھ کو جگانے پر کشتی چلانے والے پر 13 لاکھ روپے جرمانہ عائد

ناروے کے شمالی خطے سوالبارد (Svalbard) میں ایک انتہائی عجیب و غریب واقعہ پیش آیا ہے جہاں ایک کشتی چلانے والے شخص پر سوتے ہوئے قطبی ریچھ (Polar Bear) کو جگانے پر 5,255 امریکی ڈالر (تقریباً 13 لاکھ پاکستانی روپے سے زائد) کا سنگین جرمانہ عائد کر دیا گیا ہے۔ حکام کے مطابق کشتی پر موجود افراد نے ساحل پر ایک ریچھ کو آرام کرتے دیکھا جس کے بعد کشتی کے فوگ ہارن (Foghorn) کا استعمال کیا گیا، جس کی تیز آواز سے ریچھ گھبرا کر بیدار ہوا اور وہاں سے بھاگ گیا۔

مقامی گورنر آفس نے اس عمل کو شدید تنقید کا نشانہ بناتے ہوئے ’ناقابلِ برداشت‘ قرار دیا اور کہا کہ بے مقصد کسی قطبی ریچھ کا پیچھا کرنا، اس کی نیند یا سکون میں خلل ڈالنا اور اسے چھیڑنا مقامي قوانین کے تحت سنگین جرم ہے۔ ہارن بجانے والے فرد نے اپنے جرم کا اعتراف کرتے ہوئے جرمانے کی رقم ادا کرنے پر رضامندی ظاہر کر دی ہے۔