شوہر موٹر سائیکل پارک کرتا رہ گیا، دلہن دوسرے شخص کے ساتھ روانہ

بھارتی ریاست مدھیہ پردیش کے شہر گوالیار کے چڑیا گھر میں ایک دلچسپ اور حیران کن واقعہ پیش آیا ہے جہاں ایک نئی نویلی دلہن مبینہ طور پر اپنے شوہر کو داخلی دروازے پر چھوڑ کر کسی دوسرے شخص کے ساتھ موٹر سائیکل پر فرار ہو گئی۔ بھارتی میڈیا رپورٹس کے مطابق 21 سالہ نوجوان اپنی 18 سالہ اہلیہ کو لے کر چڑیا گھر پہنچا تھا، جہاں وہ بیوی کو گیٹ پر چھوڑ کر موٹر سائیکل پارک کرنے گیا، لیکن واپس آنے پر بیوی غائب تھی۔ متاثرہ شوہر نے پولیس میں شکایت درج کرواتے ہوئے ایک شخص پر الزام عائد کیا ہے کہ وہ اس کی بیوی کو بہلا پھسلا کر لے گیا ہے۔ پولیس کے مطابق سی سی ٹی وی فوٹیج کی مدد سے خاتون کی تلاش شروع کر دی گئی ہے اور بازیابی کے بعد ہی اصل حقائق سامنے آ سکیں گے۔