LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

نیدرلینڈز کا سندھ میں زراعت، لائیو اسٹاک سیکٹر میں سرمایہ کاری میں دلچسپی کا اظہار

Web Desk

26 November 2025

کراچی: نیدرلینڈز نے سندھ میں جدید زراعت، آبپاشی، فلڈ مینجمنٹ اور لائیو اسٹاک کے شعبوں میں سرمایہ کاری بڑھانے کی دلچسپی ظاہر کی ہے۔ وزیر آبپاشی سندھ جام خان شورو اور سیکریٹری آبپاشی ظریف کھیڑو سے نیدرلینڈز کے ڈپٹی ہیڈ آف مشن ہاجو پرووو کلوئٹ کی ملاقات ہوئی جس میں دو طرفہ تعاون بڑھانے کے امور پر تفصیلی گفتگو کی گئی۔

ملاقات میں بتایا گیا کہ سندھ ڈیلٹا کا رقبہ 36 فیصد رہ گیا ہے جبکہ سِلٹ کی کمی کے باعث زمین اور ماہی گیری شدید متاثر ہو رہی ہے۔ جام خان شورو نے پانی کے دباؤ، سمندری مداخلت اور سیلابی خطرات پر تشویش کا اظہار کرتے ہوئے کہا کہ سندھ کو سب سے بڑا خدشہ سیلاب سے ہے، اس لیے فلڈ مینجمنٹ سسٹم کو جدید سائنسی بنیادوں پر ری ڈیزائن کرنے کی ضرورت ہے۔

ملاقات میں ایل بی او ڈی اور آر بی او ڈی کی ناکافی ڈرینیج صلاحیت پر بھی تحفظات کا اظہار کیا گیا، جبکہ ڈیلٹا کی بحالی اور آبپاشی کے ماحولیاتی اثرات پر مشترکہ رپورٹ تیار کرنے پر اتفاق ہوا۔

لائیو اسٹاک سیکٹر سے متعلق بریفنگ میں بتایا گیا کہ ڈچ ٹیکنالوجی سے سندھ میں 7 سے 8 لاکھ مویشیوں کی افزائش اور بہتر نسل ممکن ہے۔ ملک میں فی الوقت صرف دو سیمین پراسیسنگ پلانٹس موجود ہیں، مزید پلانٹس کے قیام سے درآمدی انحصار کم کیا جا سکتا ہے۔ ملاقات میں وندر/وہاڑی میں پاسچرائزنگ پلانٹ کے قیام کی تجویز بھی زیر غور آئی۔

ڈپٹی ہیڈ آف مشن نے کہا کہ ڈچ کمپنیاں سندھ کے زرعی ڈھانچے، پانی کے انتظام، لائیو اسٹاک اور فوڈ پراسیسنگ سیکٹر میں سرمایہ کاری کیلئے تیار ہیں۔ ملاقات میں ڈچ کمپنیوں کے ساتھ ورکنگ گروپ تشکیل دینے یا ایم او یو پر دستخط کرنے پر بھی اتفاق کیا گیا۔